Эльмира Шонай - Беу дүние (cover)

Жөргегімді жырмен аштым,
Тәтті өмірді тілге бастым.
Бірде тоқпын, бірде ашпын,
Бірде қартпын, бірде жаспын,
Бірде мамық, бірде таспын.
Айтшы, өмір кімге жалған, кімге рассың?!
Беу, дүние десеңші!

Өткен күндер бұлдырайды,
Келер күн тез құлдырайды.
Бір қуаныш, бірде қайғы,
Кім көнеді, кімге ұнайды?
Таңда туып, кешке өлетін.
Ақшамда аспаннан да Күн құлайды.
Беу, дүние десеңші!